Karon nang May 4 sugdan sa Commission on Election ang campaign period alang niadtong mga kandidato nga magpapili sa Brgy. Ug SK.
Gumikan niini, gihangyo ni Comelec-10 Director Atty. Renato Magbutay, nga likayan ang pre election campaigning tungod kay sa May 4 pa angay mangampanya ang mga kandidato hangtod sa petsa dose, nga magsugod sa alas siete sa buntag ngadto na sa alas sais sa hapon.
Gawas niini, mahimo usab nga magsuot og sinina ang usa ka kandidato nga adunay iyang hulagway nga printa, apan siya lamang ang mosuot niini ug dili mahimong moapil pagsuot ang iyang mga supporters hangtod wala pa ang campaign period.
Gidili usab ang pagpilit og mga campaign posters sa bisan asang dapit tungod kay adunay gitaganang lugar sa matag barangay nga mahimong butangan og poster.
Dugang pa ni Atty. Magbutay nga kon makumpleto ang tanang rekisitos ug maduso ang tanang listahan sa miduso sa sertipiko de kandidatura, magpagawas gilayon sila og mga listahan sa kandidato.
