Roxas City, Capiz- Natigayon nga malab-ot sang Capiz Electric Cooperative ang target sini nga petsa agud nga mabalik ang supply sang kuryente sa syudad sang Roxas City matapos ang paglaslas sang Bagyong Ursula.
Ginsiling ni CAPELCO General Manager Edgar Diaz ga target nila ang antes Enero 15 kag Enero 14 pa gid lamang napasiga na sang CAPELCO ang pinakaulihi nga barangay nga amo ang island barangay sang Olotayan.
Ginpunto ni Diaz nga tanan sang mga barangay proper ang na-energize maluwas na gid lamang sa mga sulodlon nga sitio.
Nagpahanumdum man si Diaz nga wala sang bayad ang pagbalik sang kuryente sa isa ka balay ilabi na matapos sang nag-agi nga bagyong Ursula.
Suno diri nga kon may yara gid man sang nagapanukot nga CAPELCO personnel dapat ini pangayuan sang resibo sang tag-iya sang balay kag kuhaon ang ngalan kag gilayon i-report sa CAPELCO management.
Dugang pa ni Diaz nga nahibaluan na sang isa ka CAPELCO personnel ang resulta kon ini ang magpanukot para sa pagbalik sang koneksyon sang kuryente.
