Roxas City, Capiz – Ginmando ni Capiz Governor Esteban Evan “Nonoy” Contreras ang pagrelease sang P5 million pesos nga pondo agud makakuha sang final examination subong nga semana ang mga scholars sang provincial government.
Ini matapos nga nagpadulong sa provincial capitol ang grupo sang mga estudyante nga scholars halin sa nanarisari nga mga boluthoan.
Magabaton sang tig- P1,000 pesos ang tagsa ka mga skolar nga yara sa public school kag masobra naman sa P1,000 ang mabaton sang mga naga-eskwela sa pribado nga boluthuan.
Samtang ginplastar ni Provincial Administrator Edwin Chinel Monares sa mga skolars ang pila sa mga rason kun ngaa wala pa mabayaran ang ila scolarship grants sa mga eskwelahan.
Suno kay Monares, nga ang P16, 000, 000 pesos nga budget para kuntani sa ila scholarship subong nga SY 2019-2020, kapin sa P83,000 na lang ang nabilin sang pagbulos sang administrasyon ni Governor Contreras.
Wala man sang may ginbilin nga listahan sang mga scholars ang nagligad nga administrasyon nga mangin balasehan nila para sa pag-release sang scholarship grants.
Nahibaluan nga may yara sang masobra sa 4,600 ka nga estudyante nga scholar ang nakaligad nga administrasyon ni Governor Tony del Rosario. ANg mga ini ang naga-eskwela sa mga pribado kag pampubliko nga kolehiyo kag unibersidad sa probinsya.
photo(c)- Capiz Kabalaka Information Center
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
