Capiz, nagapangaduha sa mga probinsya nga may pinakamadmo nga kaso sang HIV/AIDS sa Western Visayas – DOH

Roxas City,Capiz -Nagpangaduha ang Capiz sa mga probinsya sa Western Visayas nga may pinakadamo nga numero sang Human immunodeficiency virus(HIV) / Acquired immunodeficiency syndrome(AIDS) cases sumugod sang tuig 1984 tubtob Mayo 2017.
Sa record sang Department of Health (DOH) Epidemiology Bureau, ang Capiz ang may yara sang 122 ka mga biktima sang amu nga balatian kun sa diin nagpangaduha ini sa Iloilo nga may yara sang 701 ka kaso.
Yara sa ikatatlo ang Aklan 84, Antique 63, kag Guimaras nga may yara sang 29 ka mga biktima. Nahibaluan nga sa 122 ka kaso sang HIV sa Capiz, 108 ka mga biktima diri ang lalaki kag 14 naman ang babaye.