Roxas City, Capiz – Nagpaidalom sa isa ka refresher course ang mga kapulisan sa Capiz kahapon nga adlaw sa CPPO Gymnasium, Camp Apil sa Brgy Lanot, Roxas City.
Ini ang angut sa nagakaigo kag husto nga proseso sa filing sang mga kaso kontra sa mga persona nga nagkaladakpan sa buy bust operation.
Si Hon. Judge Ignacio A. Alajar- Presiding Judge sang RTC Branch 18 ang naghatag sang lecture parti sa amu nga topiko samtang yara man nagtambong ang mga hepe sang kapulisan sa Capiz, intel PNCO’s, Station Drug Enforcement Team(SDET) sang tagsa ka mga municipal police stations, personnel sang Provincial Drug Enforcement Unit(PDEU), subong man representante halin sa PDEA- Capiz Provincial Office.
Nahibaluan nga masami nagaka- dismiss ang ginapasaka nga kaso kontra sa mga drug personalities bangud man sa kakulangan sang ebidensya kag merito sang kaso.
Ang nasambitan nga inisyatibo ang gin-organisar sang Capiz Provincial Police Office sa idalom sang pagpamuno ni PCOL Canilo A. Fuentes.
photo(c)- PDEA- Capiz
