Roxas City, Capiz – Nagpatigayon sang sinapol para sa quarterly meeting sang nakaligad nga Agosto 16, 2019 ang mga katapo sang Capiz Provincial Solid Waste Board sa pagpanguna ni Gov. Nonoy Evan Contreras.
Kalakip sa gintalakay amo ang mga programa nga ginadihon sang gobierno probinsyal para nga labi pa nga mapasiguro ang katinlo sang palibot. Gintalakay man ang parte sa RA 9003 on Ecological Solid Waste Management Act of 2000, revision sang EO No. 06, updates sa proposed final disposal facility, pag-review sang proposed ordinance para sa pagbawal sa pag-usar sang mga plastics.
Sa amo nga sinapol yara man ang presenya sang co-chairperson sang Provincial Solid Waste Board nga si Atty. Emilyn Arboleda-Depon, Board Member Mateo Hachuela, nga amu ang Chairman of Committee on Environment and Natural Resources sa provincial board, Mr Vicente S. Losbanes sang Environmental Management Bureau Region 6 kaupod ang mga alkalde sang mga munisipyo sa Capiz partikular ang banwa sang Pontevedra, Jamindan, Tapaz, Panit-an, President Roxas, Maayon kag ang iban nga Technical Working Groups.
photo(c)- Capenro
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
