Cebu City—Duha ka menor de edad nga nag-edad og 14 ug 15 naa sa kustodiya sa mga Barangay Tanods human kini nasakpan sa pagpang-spray og pental sa 9 ka mga sakyanan sa Barangay Labangon kagahapon sa kadlawon, February 10.
Matud pa ni Punta Prinsesa Police Station Chief, Senior Inspector Ian Macatangay, i-turned over ang mga suspek sa Department of Social Welfare and Development kun DSWD.
Dili lang kay duha ka mga menor de edad ang suspek sa pagpang-spray og pental nga nahitabo gahapon, kon dili aduna puy usa ka menor de edad ang dakponon pero nakadagan. Ang pulisya nagtuo nga ang ikatulo nga menor de edad nga naka-iskapo, miyembro sa usa ka mga grupo sa fraternity dinhi sa Sugbo.
Usa sa mga nireklamo sa maong insidente, Jobany Jordan Capote, niingon nga iya ra tawng gi-abangan ang sakyanan nga gi-sprayhan sa mga menor de edad.
“Ga-rent ra ko ana nga sakyanan. Gabie ni byahe ko, paghuman gahatod ko og gatas sa akong anak, paggawas nako nanimaho na og spray. Mao to ni dagan ko ug akong gipangita unya nakit-an nako mao to ako gigukod ug nadakpan gyud namo. Paet kaayo nanginabuhi ra gyud tawn ko.”
Duha ka mga botelya sa spray paint ang na-confiscate human nadakpan ang duha ka menor de edad.
