General Santos City–Aminado si Arjohn Gangoso, tigpamaba sa DOH Center For Health Development SOCCSKARGEN Region nga adunay shortage sa cartridge nga ginagamit sa Testing Facility dili lang sa Rehiyon-12 kundili sa tibuok nasud.
Tungod niini, apektado gyud ang ginahimong testing sa mga LSI ug ROF nga gituohang carrier sa covid 19.
Pamahayag niya nga gikan pa sa kauluhang Maynila ang mga cartridge ug limitado lang usab ang ginahatag ngadto sa mga pasilidad, sama sa rehiyon nga gilangkuban sa St. Elizabeth Hospital, Pinggoy Hospital ug Cotabato Regional And Medical Center.
Sa karon matud pa, ang mga specimen gikan sa Gensan ang ginapadala sa SPMC sa Davao tungod dili usab kini ma-cater sa testing facility sa South Cotabato ug dili na usab makaya sa CRMC tungod didto ginadala ang mga specimen gikan sa probinsya sa BARMM.(LVR)
