Nabaton na sang mga mangunguma sang banwa sang San Enrique ang financial assistance halin sa gobierno probinsyal sang Negros Occidental bilang bulig sa ila kakinahanglanon sa ila ginaatubang nga pagtilaw sa agrikultura bangud sang krisis sa coronavirus disease.
Ang tag-5,000 pesos nga ayudad ginturn-over ni Gov. Bong Lacson kahapon sa kapin 270 ka mga benipisyaryo sang Financial Subsidy for Rice Farmers (FSRF) Program sang Department of Agriculture upod sa provincial government.
Ginpahayag nga ang nakabaton sang assistnce amo ang mga mangunguma nga nagatanum sang humay nga may rice area nga isa ka hektarya ukon manubo.
Nahibaluan nga sa bilog nga Negros Occidental may kapin sa 25,000 ka mga farmer beneficiaries nga na-qualify sa amo nga programa nga may total allocation nga 125 million pesos.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
