TACLOBAN CITY – Maiha na nga ginhihinulat han mga 4p’s beneficiaries han probinsya han Samar, Eastern Samar, Northern Samar, Biliran, ngan Southern Leyte an ira cash assistance nga 10 na ka-bulan nga waray pa matagamtam.
Ha pinaka-latest nga pakighimangraw han RMN Tacloban ha buhatan han Department of Social Welfare and Development (DSWD) Region 8 pinaagi kan Paula Unay han Pantawid Pamilyang Pilipino Program Regional Program nga nagka-mayada na hin Memorandom Of Agreement an ira buhatan ha Landbank of the Philippines nga makakagpay-out ha mga 4ps beneficiaries ha nasabi nga probinsya.
Ginlalauman han DSWD nga tinikangan yana nga Mayo 1 tubtob 15 in temporaryo na nga makakagpay-out pinaagi ha over the counter nga proseso an Landbank of the Philippines ha mga bungto-bungto.
Over the counter la anay an magigin proseso samtang naghihimo pa an LBP han mga cash cards han mga benepisyaryo. Tinikanggan naman ha Mayo 15, ginbabana-bana han mao nga buhatan nga mahahatag na an cash cards.
Dugang pa han opisyal nga mas magigin madali an proseso han pag pay-out mahitungod nga mayda Landbank branches an kadam-an nga mga lugar ha nasabi nga probinsya.
Patapod naman han DSWD ha nga benepisyaryo han lima nga probinsya nga ginhihimo han ira buhatan an tanan nga pamaagi agud maihatag na an 10 ka bulan nga cash assistance nga maiha na nga gin-hihinulat.
Samtang 9 nala nga bungto ha leyte an nabibilin nga waray katagi hin cash cards an mga benepisyaryo tikang ha Philippine Veterans Bank. Tinikangan yana nga adlaw (Abril 11) in marerelease na han PVB an mga cash cards.
