Davao City – Mokabat sa P650,000 ang damyos sa sunog nga nahitabo sa may Brgy. Catalunan Pequeño partikular sa may Bacanya Compound adlaw’ng Huwebes sa kaadlawon.
Naugdaw ang balay nga ginapag-iyahan ni Ryan Taladua diin totally damage usab ang tupad niining balay nga gipanag-iyahan ni Crisostomo Saur nga girentahan usab ni Elvin Parantor.
Sumala pa ni SFO1 Marvin Avelino sa Talomo Fire Station, migula sa ilang imbestigasyon nga nagsugod sa pag-ulbo ang kalayo bandang alas-2:40 apan miabot ang tawag ngadto kanila alas-3:00 pasado na sa kaadlawon gani sa ilang pag responde barbown na ang duha ka mga balay.
Hinoon walay natalang mga na-angol sa maong insidente.
Dugang pa sa ilang imbestigasyon nga nagsugod ang sunog sa balay ni Ryan Taladua nga dugay ng abandonado ug duna matud pa mga batan-on kun mas nailang mga ‘budots’ ug ‘budats’ nga naga stambay panahon sa kagabhion ug posibleng nanigarilyo kini sa maong abandonadong balay nga usa sa mga gilantaw nga hinungdan sa dakung damyos sa maong insidente.
RadyoMaN Paul Canono
