BACOLOD CITY- Matapos ang ginbansagan “Bloody Sunday” sa diin siyam ka mga aktibista ang patay sa operasyon sang mga otoridad sa CALABARZON sang Marso 7, 2021 nakabaton sang ginasiling death threats ang Public Information Desk sang Karapatan National Office. Sa text message nga ila nabaton, nakasulat ang ngalan sang mga aktibista sa Negros nga ginasiling target sang “Kill Kill Kill” program.
Ini ang ginalakipan nanday Iver of Bacolod, (ginapatihan nga si Iver Larit sang Kadamay Negros); Butch of Bacolod, (ginapatihan nga si John “Butch” Lozande, Secretary General sang National Federation of Sugar Workers); Erning of Bacolod, (believed to be Ereneo Longinos, spokesperson sang Bayan Negros); Clarissa of Bacolod (believed to be Clarizza Singson, Secretary General sang Karapatan Negros Island); Alyas Tatay “Ogie” kag iya asawa, ; Berting of Bacolod; Christian of Bacolod, (believed to be Christian Tuayon sang National Federation of Sugar Workers kag former Sec. Gen. sang Bayan Negros); Epi of Negros Occidental, (ginapatihan nga si Felipe Gelle sang September 21 Movement); Darel of Kabankalan (ginapatihan Dharryl Albanez, Sec. General sang September 21 Movement); kag Roque of Bacolod, (ginapatihan Rolando Rillo sang (NFSW).
Nagligad nga Marso 8, nakabaton man ang Public Information Desk sang Karapatan National Office sang posible isa pa ka death threat kag nagasiling nga “O ano takot na takot na kayo no? Susunod namin Negros humanda na asawa ni Clarisa na si Jules!
Matataymingan din yan!” (si Jules ukon Juluis Dagatan, amo karon ang Media Liaison sang Bayan Negros).
Nagapati ang Karapatan nga ang Philippine National Police (PNP) kag Armed Forces of the Philippines (AFP) ang sa likod sang mga pamahog bangod sila lamang ang may motibo bangod sang intimidasyon, pagpang-atake kag red-tagging.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
