Dako’g tabang matud pa ang mga closed-circuit television (CCTV) cameras nga gipangmontar sa siyudad sa Malaybalay.
Sa interview sa RMN Malaybalay ngadto kang Michelle Andamon, ang head sa command center sa CCTV gibutyag niini nga mukabat ngadto sa 16 ka camera ang gipakatag sa dakbayan diin kasagaran niini anaa national highway ug mga secondary road.
Plano usab daw sa siyudad nga dugangan ang mao nga cctv camera nga ibutang sa mga strategic nga mga lugar.
Gibutyag usab niini maayo ug quality ang maong mga camera.
Samtang sa bahin sa Traffic Management Center kon TMC Malaybalay gibutyag niini nga nakatabang ang mao nga proyekto sa pagresolba sa mga problema sa kadalanan.
Sa interview sa RMN ngadto kang Joseph Jabla, ang head sa TMC gibutyag ninii nga dali silang matawagan sa command center kung adunay problema sa kadalanan.
Gisiguro usab ninii nga adunay silay hugot nga exchanging of information sa nagmonitor sa cctv ug sa ilang buhatan.
Samtang sa interview sa RMN Malaybalay ngadto kang Board Member Jay Albarece, ang author sa probinsyal ordinance sa CCTV sa Bukidnon gibutyag niini mahinungdanon kaayo ang pagbaton sa cctv camera sa mga establihsmento.
Matud ninii nga adunay duha ka nag-unang tumong o gamit sa CCTV nga mao ang una makatabang pagsulbad sa krimen pinaagi sa pag-ila sa mga suspek ug ang ikaduha ang crime prevention diin posibleng magduhaduha ang mga suspek nga muhimo sa krimen ilabina ug adunay mga CCTV camera ang usa ka gambalay.
