> JUST IN! Moabot sa P1.2 milyon an inisyal na pagbana-bana na danyos sa sunog na mitumaw sa Provl. Grandstand sa Lovely Pasalubong kagabii. Ini an tagtudlo nan Bureau of Fire Protection pinaagi sa City Fire Marshall Kenneth Delos Reyes. Sumaya pa, padajon na kuhaan nila nan statement kuman buntag an tag-ija sa Lovely Pasalubong sa posible na tinubdan sa kayajo. Isa sa anggulo na tag-imbestigahan nan BFP an electrical wiring ug arson. Sa pagkakuman tag-kordon ug tagbantayan nan kadagkuan sa City PNP an gawas na bahin sa tindahan sa posibilidad na may kawat na motumaw. Sajo kuman buntag, an tag-ija nan Lovely Pasalubong na si Mark Acedo an mipatim-aw ug tag-angkon na waya sila kagabii sa dihang nahitabo an sunog. > > > > >
