Nagkalain-lain nga pag-ila ug pasidungog ang nadawat sa Cagayan de Oro City Jail sa tuig 2018.
Kini tungod sa kalampusan sa mga nagkadaiyang mga programa alang sa mga binilanggo kon Persons Deprived of Liberty ug alang sa komunidad.
Matud ni Supt. Erwin Kenny Ronquillo- ang warden sa city jail, nga nag-una sa pasidungog ang pagkahimong Certified Drug Free Facility, pagdaog sa Red orchid award 2018, Gawad Penolohiya, Best City Jail sa rehiyon sa pipila ka quarters, paglampus sa mga Decongestion programs nga miresulta sa pagkonhod sa gidaghanon sa mga binilanggo.
Nasayran nga gikan sa dos mil kapin ka binilanggo sa unang bulan sa 2018, nahimo na lang kining
kapin sa usa ka libo, pag-abot sa bulan sa Disyembre.
Nasayran nga kabahin sa kalampusan, ang mga government agencies, NGOs, Community Organizations ug uban pang tawo nga adunay maayong kabubut-on nga mitabang sa kabag-ohan sa mga binilanggo sa City jail.
