Gi-angkon ni Councilor Romeo Calizo nga dili safety ang syudad sa Cagayan de Oro alang sa mga drug pushers.
Ang pahayag ni Calizo, basi sa sunod-sunod nga pagkamatay sa mga drug pushers nga matud pa, “Nanglaban” sa Drug buy bust Operation sa kapolisan.
Si Calizo nga Chairman sa Committee on Police, Fire and Public Safety sa City Council, mibutyag nga tungod sa nagka taas nga listahan sa pagpatay sa mga drug pushers, gikinahanglan nang i-revisit sa kapolisan ug PDEA ang ilang Anti drug operation plan.
Una pa niini, gipahayag ni Camp Alagar Spokesman Supt. Surki Sereñas nga mokabat na sa kapin sa 100 ka mga drug pushers sa Region 10 ang napatay sa anti drug operation sa kapolisan, sukad gilunsad sa PNP ug PDEA ang kampanya batok sa gidiling druga.
