Imbitado si Mayor Oscar Moreno sa selebrasyon sa Chinese New Year nga sugaton sa mga chinese unyang tungang gabie sa Bell Church, Barangay Macasandig ning syudad sa Cagayan de Oro.
Gawas sa mayor, gi-imbitahan usab ni Bell Church Head Grig Lao ang mga sakop sa City council nga gipangunahan ni Vice Mayor Joaquin Uy.
Matud ni Adelfa Sia ang asawa ni kanhi Councilor Juan Sia, miyembro sa Bell Church nga si Moreno ug mga sakop sa konseho gi-imbitahan ni Lao aron mosaksi sa ilang garbosong Fireworks display unyang tungang gabie.
Gibutyag ni Sia nga gi-imbitahan ni Lao ang Mayor tungod sa pagpaluyo sa City hall sa mga activities sa Chinese New Year pinaagi sa City Tourism Office.
Mga alas 10 unyang gabie, modagsa sa Bell church ang mga Chinese nga nagtoo sa relihiyong Buddha ug mangdagkot sa Chinese Candle sabay pasalamat ni Buddha nga ilang dios.
Human sa ilang mga pag-ampo, sundan kini sa magarbosong fireworks display nga saksihan sa Mayor ug uban pang mga city officials.
Human sa fireworks display, mangaon ang mga Chinese sa Miswa ug itlog.
Matud ni Sia nga kini ang pagtoo sa mga Chinese nga ang Miswa, pagpataas sa kinabuhi samtang ang itlog nagsimbolo sa kalipay ug panaghiusa sa pamilyang Intsik.
