General Santos City–Kanunay matud pa nga andam ang City Disaster Risk Reduction And Management Office ugaling man adunay mahitabong kalamindad sa Gensan, mao kini ang nahimong pagbutyag ni Dr. Bong Dacera ang action officer sa CDRRMO-Gensan.
Sumala pa ni Dr. Bong Dacera nga ang CDRRMC ang gilangkuban matud pa sa daghang mga buhatan nga kanunay naka-alarto sa unsa mang kalamidad.
Apan giangkon niini nga kulang pa gayud ug mga himan, ekepo, trainings ug logistic sa ilang buhatan hinungdan nga nag request sila sa LGU Gensan aron nga madungagan ang ilang mga himan.
Pagbutyag niini nga nakita nila ang daghang kakulangon sa ilang mga gamit sa dihang nahitabo ang makusog nga linog ug gisundan ug dakong sunog sa Gaisano Mall Of Gensan niadtong milabay nga simana.
Apan gi hingusgan ni Dr. Dacera nga bisan ug kulang silag mga himan andam ug aduna gihapon silay kapasidad nga muresponde sa mga katalagman nga posibleng muigo sa syudad.
Dugang pa niini nga kung sa hisgutanang tsunami usab ang aduna na silay mga naka andam nga programa niini ug nasayod na ang ilahang mga personnel sa ilang himuon, gani aduna nay mga lugar sa Gensan nga sarang kaadtuan sa mga tawo higayon nga adunay kalamidad nga mahitabo.(Dave silagan)
(Photo Credit to: 19th Sanguniang panglungsod)
