Sa interview sa RMN ngadto kang Arian Caga-anan, ang hepe sa operations and warning division sa CDRRMO gibutyag niini nga base sa ilang ocular inspection normal ra usab ang water level sa mga sapa ug suba nga anaa sa Malaybalay.
Sa karon, wala pa nakabalik ang muabot sa 77 ka pamilya gikan sa Sitio Panamucan, Brgy. San Jose nga anaa temporaryong nagpasilong sa San Jose Elementary School.
Matud ni Caga-anan nga ilang e-assess karong adlawa ang sitwasyon sa Sitio Panamucan aron makahatag sila og advice kung pwede na o dili pa pwede makabalik sa ilang mga pinuy-anan ang mga bakwit.
Nasayran nga ang Sitio Panamucan, gisutang usa ka landslide prone area ug flash flood prone area maong kung adunay daut nga dagan sa panahon usa kini sa unang tutukan sa CDRRMO.
Samtang gikataho usab ni Caga-anan nga padayon pa gihapon ang ilang pagmonitor sa tibook siyudad tungod sa pinisik nga apekto sa Bagyong Agaton.
