iFM Laoag – Kinumpirmaran ni Sarrat Mayor Remigio Medrano nga adda imparuk-at a cease and desist order kontra iti Omnico Natural Resources Inc. (ONRI) nga inyetnag iti Department of Environment and Natural Resources (DENR).
Inlawlawag ni Medrano a ti ‘cease and desist order’ ti OMNICO ket nakatutok laeng iti quarry operation iti kapanagan ti ili a Sarrat a nakamaldit iti paganurutan ti R.A. 7942 wenu Philippine Mining Act ken iti DENR.
Innayun pay ti Mayor a nakasaritana ni Environment Secretary Roy Cimatu idi bimmisita iti probinsia kangrunaanna iti nasao a parikut gapu ta adu dagiti nagbalin nga obserbasion ti napalpalabas. Rumrumuar nga adda ti nasurok a duapulo (20) a quary operators ti maipagarup a karaman iti illegal a panangisayangkat ti quarry.
Iti agdama, awanen dagiti makitkita a dump truck wenu heavy equipment iti kapanagan a passet iti Karayan Padsan iti nadakamat nga ili. Banbantayan met daytoy dagiti otoridad.
Bernard Ver, RMN News
