Gireklamo sa 27 anyos nga dalaga ang usa ka cellphone technician human kini gipabayad sa gipaayong Iphone 5s apan mag-usa nalang ka bulan, wala pa kini nahuman pag-ayo.
Complainant mao si Leny Rose Capablanca nga taga Adelfa Extension, Ilaya, Barangay Carmen.
Samtang, ang gireklamo naila lamang sa pangalang Raymund, 40 anyos ug minyo kinsa technician sa Ororama Supermarket.
Saysay sa biktima nga niadtong Enero sais, gidala niini ang iyang cellphone aron ipaayo ug mihatag sa bayad nga mokabat sa singko mil pesos.
Apan gipabalik-balik lang matud pa kini sa cellphone technician ug gipangayoan pa’g dos mil pesos isip dugang bayad.
Tungod niini, naalarma ang biktima nga basin gipangwartahan lang busa nagpatabang kini sa kapolisan.
Facebook Comments
