Nagpaathag ang Central Negros Electric Cooperative (CENECO) sa ginareklamo sang kadamuan sang mga kunsumidor nga tuman kataas nga bill sa nakaligad nga bulan sang Marso, Abril kag Mayo.
Sa interview sang DYHB kay Engr. Jose Taniongon, officer in-charge, Office the General Manager sang CENECO, ginpahayag sini nga sang bulan sang Marso nagpatuman sila sang average billing santo sa advisory sang Energy Regulatory Commission (ERC). Ang average billing sang Marso ang ginbase sa bill sang Disyembre 2019 kag sang Enero kag Pebrero 2020, buot silingon ang bill sa nakaligad nga tatlo ka bulan ang gin-divide sa tatlo kag ang average amo ang ginpaguwa nga bill sang Marso.
Apang suno kay Taniongon, kulang ang ila nga average billing sang Marso bangud nga kadamuan sang consumption ang nagsaka bangud sang tuman kainit nga panahon kag madamo nga tawo ang nagagamit sang ila appliances samtang nagapahimuyong sa ila tagsa ka balay bangud sang enhanced community quarantine (ECQ). Ini ang rason kun ngaa ang kulang sa average billing ang gindala sa Abril sa diin nagpatigayon na sang actual reading ang CENECO.
Apisar sang tuman kataas nga bill sa nakaligad nga tatlo ka bulan, gin-athag ni Taniongon nga wala sila nagpatuman sang rate increase kag gindugang sini nga ang bill sa Abril kag Mayo ang pwedi mabayaran sa staggard bases basta nga ang kunsumidor ang magpahibalo sa ila opisina.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
