Nanawagan karon ang Cagayan de Oro Electric Power and Light Company Incorporated kon Cepalco ning syudad batok sa mga Cepalco Impostors.
Kini human makadawat ang ahensiya og report nga dunay mga lalaki nga matud pa gapaila nga mga inspectors o collectors.
Kini sila nga mga Cepalco impostors, gabisita sa mga panimalay ug kunuhay mag-inspection sa mga wirings ug gapangolekta og bayad sa kuryente.
Kini usab sila ang gadala-dala og ID sa ahensiya nga maoy ilang gamiton sa paghaylo sa tawo.
Giklaro usab sa Cepalco nga wala silay mga field collectors.
Matud sa Cepalco nga ang tanang bayad sa kuryente ginadawat lamang sa opisina ug sa mga accredited collecting banks o centers.
Dugang pa sa ahensiya nga ang ilang mga inspectors, taman lamang mag-inspection sa electric meter ug dili na mosulod sa balay.
Tungod niini, gihangyo karon sa Cepalco ang si bisan kinsa mang mabisitahan sa mga impostors, nga mokontak sa ilang opisina sa 0917-319-4278 o 0998-965-7885.
