Ceres bus kag isa ka SUV aksidente nga nagbunggu-anay mga las 3:26 sini gid lamang nga hapon (December 14) sa national highway sa area sang Purok Saging, Brgy. Poblacion 2, Sagay City.
Suno sa record sang kapulisan, ginamaneho ni Dr. Charlotte Macasling, residente sang ciudad sang Escalante ang SUV samtang ginadala naman ni Ramonito Bagayo ang bus.
Base sa panaysayon sang isa sa mga pasahero sang bus, pakadto ang mga ini sa Bacolod nga direksyon sang ila nga nakit-an nga ginkaon sang Everest ang pa-sur nga lane sang highway.
Nagtinguha pa nga magpreno si Bagayo apang nagbunggo gid ang SUV sa tuo nga bahin sang Ceres.
Patay sa aksidente si Sonia Brion, iloy sang doktor nga sakay sa likod nga bahin sang SUV samtang pilason ang tatlo nga sakay sang bus, ang driver sang Everest kag helper sini nga ginkilala kay Jessamae Nicos.
Sa karun yara na sa custodiya sang Sagay City PNP ang driver sang SUV kag bus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
