TALISAY CITY – Nagbunggu-anay ang kahapon ang isa ka privado nga van kag Ceres bus sa Purok Dose, Brgy Zone 1, syudad sang Talisay.
Pilason ang driver sang van nga si Jose Roccio, 57 anyus, residente sang Iloilo kag temporaryo nga naga-istar sa Brgy. Matab-ang, Talisay City.
Suno sa hepe sang Talisay City PNP – Supt. Adonis Rosales, padulong sa south nga direksyon ang van sang nabunggu-an ini sang Ceres Liner nga padulong naman sa norte.
Bangud sa impact, halos gupi ang panguna nga bahin sang Foton van apang naka-angkon gid lamang sang minor injuries ang driver kaupod sang tatlo sini ka pasahero.
Sa bahin sang Ceres, duwa sini ka mga pasahero ang nag-reklamo nga naka-angkon sang minor injuries samtang ang driver naman sang bus nga si Jessie Demoral, 42 anyus, sang Brgy. Bug-ang, banwa sang Toboso, ang detained sa Talisay City Police Station. / Photo of Radiant Talisay/Not the actual photo
