General Santos City–Dakong uyon si Pastor Jerson Cagang ang chairman sa ALAMCCO sa nahimong aksyon ni Presidente Rodrigo Duterte nga paundangon ang tanang mga investment scheme nga gapahigayon ug operasyon sama sa Ponzi Scheme kung asa naga pangulekta ug kwarta sa mga myembro aron nga dunay ibayad sa na unang myembro.
Sumala pa niini nga andam sila nga musunod sa gobyerno kung unsa ang mga gikinahanglan ug gihingusgan nga dili sila parihas sa uban nga klaro kaayo nga ponzi scheme.
Dugang pa niini nga sa karon ang alamcco ang kompleto ug papeles nga gi-require sa gobyerno sama sa business Permit, BIR, SSS ug uban pa tungod kay legal matud pa sila nga cooperative ug aduna silay mga lihitimong mga negosyo.
Normal matud pa nga maalarma ang presidente tungod sa kadaghang nanggawas karon nga mga investment scheme nga naga tanyag ug dako kaau nga porsyento nga dunay pay muabot ngadto sa 400 percent.
Sa ALAMCCO gihimo nila nga 35 percent tungod kay kini lang matud pa ang makaya ug buot nila nga dungan usab nga musaka ang panginabuhian sa mga myembro niini. (Dave Silagan)
