General Santos City—Gikasubo pag-ayo ni Gensan Ciry Councilor Ramon Milleza ang chairman sa transportasyon sa dakbayan ang nahitabo kang Orlando Sabilita Manager sa Metro Gensan Transport Cooperative kansa gipusil sa wala mailhing suspek kagahapong adlawa.
Sumala niini nga kung may kalambigitan gyud kini sa bangi tali sa mga kooperatiba sa multicab sa dakbayan siya nangayo gyud ug dispensa.
Dugang pa ni milleza nga sila sa syudad gapaningkamot gyud nga mahan-ay ang transportasyon ug wala gyud siya magdahum nga musangko sa krimen ang tanan.
Ang opisyal nagbutyag nga sa iyang pagka-ila kang Sabilita usa kini ka buotan ug gasuporta gyud sa lakang sa syudad sa paghan-ay sa transportasyon.
Human sa insidenti nanawagan si Milleza ngadto sa katawtan hilabi na sa han-ay sa transportasyon nga inay mag sige ug inawayay, mag tinabangay nalang pinaagi sa paghisgot ug maayong buhaton aron mahan-ay ang transportasyon sa syudad sa General Santos.
Nasayran nga sa karon nagpabilin pa sa ospital si Sabilita human nakaangkon ug samad pinusilan sa abaga.
