Davao City – Adunay mga probisyon sa batakang balaud ang angayang usbon kung otrohon ang sistema sa panggobyerno ngadto sa pederalismo.
Sumala ni Ateneo de Davao University (ADDU) law professor Atty. Arnold Abejaron, adunay mga probisyon sa Konstitusyon nga dili na updated sa pagkakaron nga kinahanglang usbon tungod kay himoon naman natong pederalismo ang sistema.
Hinoon gitin-aw ni Abejaron, klarohon una kung unsa ang mga problema nga angay sulbaron gikan sa ‘bicameral-presidential’ ngadto sa ‘unicameral–federal system’.
Dugang gipasabot ni Abejaron, kung makasulbad ang pag-usab sa pamaagi sa panggamhanan sa mga suliran nga giatubang, angayan lamang usab nga dunay paga-usbon sa mga probisyon sa balaud aron mohaom sa bag-ong sistema.
RadyoMaN Bernard Pantallon
