General Santos City–Mas gipahugtan pa karon sa South Cotabato Provincial Police Office ang mga ginapatuman nga checkpoint pasulod sa probinsya. Sumala kang Police Col. Jemuel Siason, Provincial Director sa South Cotabato Police Office nga dili lang para sa Law Enforcement Operation ang maong checkpoint kundili alang usab sa Covid ug African Swine Flu kon ASF.
Sa karon matud pa kanunay silang naka-alerto aron nga masigurong dili malutsan ug mga kriminal ingon man mga posibleng carrier sa ASF lakip na ang pagpatuman sa CCTS. Dugang pamahayag ni Col. Siason nga wala sila naglisod sa pagpasabot ngadto sa publiko kabahin sa mga implemetasyon sa checkpoint gumikan daan ng nasayud ang katawhan sa mga dapat ug dili dapat ingon man kung si kinsa lang ang ginatugutan nga makasulod sa probinsya.
Masulti matud pa niya nga mas cooperative ang katawhan sa karon gumikan nakita na nila ang epekto sa Covid 19. Dili na usab ingon kadaghan ang ilahang mga naaresto nga nagasupak sa executive order sama nalang sa pagsul-ob ug facemask ug faceshield sa mga pampublikong lugar.(LVR)
