Giaprobahan na sa majority member sa City council, ang Child Protection
Ordinance nga gipasaka sa konseho sa syudad.
Matud ni Konsehal Edna Dahino, nga sangko sa langit ang iyang kalipay, ug
dulot sa yuta ang iyang pasalamat sa iyang mga kauban nga councilors.
Nasayran nga Ubos sa Approved Ordinance Number 13195-2018, nagmando nga
multahan ang si kinsa mang mga ginikanan, nga mamatud-an sa sala, nga
nagpasagad sa ilang mga anak, ug naghatag panogot sa ilang mga kabata-an
nga minor de edad, nga molakaw sa ilang mga balay nga walay kuyog nga
mga adult.
Gipasaka kini ni Dahino nga ordinansa aron malikayan ang Child
Trafficking ning syudad.
Nakalosot man ang maong Ordinansa, apan mi-agi kini sa makuti nga debate.
Mahinumduman nga miagi sa lungag sa dagom ang child Protection Ordinance
ni Dahino sa dihang dunay pipila ka mga provision sa maong Ordinansa, nga
gipa-usab ni Councilor Leon Gan.
Lakip sa mga Provision nga gipa-usab ni Gan, nga gihimong directory
imbis mandatory Ordinance., ang ordinansa ni Dahino.
Gipausab ni Gan ang pipila ka mga Provision sa Ordinansa ni Dahino, aron
dili mahimong Conflict sa national Child Protection law.
Kini nagpasabot nga imbis priso ang silot sa mga Parent, multa na lamang
ang ma-angkon sa mga ginikanan, kon mamatud-an sa korte nga nagpasagad
sila, sa ilang mga ANAK ug wala mag-atiman sa ilang mga kabata-an
nga naglakaw-kalaw ning syudad nga direction.
