Nagpasalamat sa Philippine Coast Guard (PCG) ang Chinese Embassy sa Pilipinas kaugnay ng pagsagip ng PCG sa Chinese seafarer sa karagatang sakop ng Basilan.
Partikular na nagpaabot ng pasasalamat sa PCG si Chinese Embassy Deputy Spokesperson Guo Wei.
Una rito, nagsagawa ang Philippine Coast Guard (PCG) ng Medical Evacuation (MEDEVAC) sa Chinese crew member na may medical condition habang sakay ng foreign vessel na MV Mount Gilboa sa Basilan.
Agad na nailipat ang Chinese seafarer sa BRP Tubbataha (MRRV-4401) para sa medical evacuation.
Mula sa PCG vessel, nai-turn over ang Chinese crew member sa Bureau of Quaratine (BOQ) Zamboanga para sa quarantine at medical procedures.
Facebook Comments
