ILOILO – Magaconduct sang feasibility ang Beijing base company sa ginapropose nga revival sang Panay Railways.
Kasunod ini sang memorandum of understanding and cooperation sadtong Marso 18 sa tunga sang PRI kg China Railway International GRoup limited sa opisina sang PRI.
Suno kay Cesae Capillan Director/Treasurer sang PRI magahimo sang feasibility study kag inspection ang Chinese firm.
Kalakip man diri ang pagtumod sang right of ways gikan sa Iloilo padulong sa Roxas.
Ginalauman nga masubmit sang firm ang ila feasibility study sa sulod sang duha ka bulan.
Ginabanta nga magabalor ang proyekto sang P16 billion.
Kon madayun, ginalauman nga makumpleto ang proyekto sa sulod sang duha ka tuig.
Ang phase 1 sang proposed project magasugod sa Iloilo kag ginapilian ang Pavia ukon Sta. Barbara padulong sa Roxas, Capiz.
Ginapropose man ang monorail gikan sa syudad sang Iloilo padulong sa airport kag magaconnect sa railway padulong sa Capiz.
Ang 2nd phase magalambot naman sa Caticlan agud magacater sa mga torista.
Facebook Comments
