Gibuhian sa National Bureau of Investigation kon NBI ang usa ka Chinese national nga suspect sa pagpalusot sa pekeng mga sigarilyo ning syudad sa Cagayan de Oro.
Matud ni NBI Regional Director Patricio Bernales nga ang ilang gibuhian nailang si Shi Zhulian nga taga Fu Jian, China apan nagpuyo sa Sun Merchandise sa Captain Vicente Roa ning syudad sa Cagayan de Oro.
Si Zhulian uban sa iyang mga Pilipino Associates ang nasapon sa mga ahente sa NBI ug Bureau of Internal Revenue nga didto sulod sa usa ka bodega sa Barangay Kauswagan kung asa gitago ang gibana-banang 60-million pesos nga pekeng mga sigarilyo.
Gibutyag ni Bernales nga nagkulang ang ilang panahon aron i-inquest ang maong suspect busa ila kining gibuhian.
Apan giklaro sa maong NBI official nga ang maong suspect ila gihapon nga pasakaan sa kasong may kalabutan sa Intellectual Property Rights tungod sa ilang pagkopya sa genuine nga mga sigarilyo.
