Davao City – Ang City Health Office (CHO) sa syudad sa Davao nanawagan karon sa publiko nga dili magpanic sa pagtumaw sa mga balatian sa syudad karong panahona ilabi na ang polio.
Sumala ni Dr. Jolinda Acosta, City Health Office Technical Division Chief, angay gayud tumanon ang mga angayang buhaton sama sa pagpabakuna sa mga kabataan karong October 14, sa pagpitol sa dengue pinaagi sa pagpanglimpyo sa palibot, kung adunay sintomas, mokonsulta sa doctor ug kun sa leptospirosis, dili motugsaw sa tubig-baha ang mga adunay samad ug magpakonsulta, samtang sa meningococcemia, angay sabton nga kini dili komon nga sakit tungod kay direct contact man ang chief mode of transmission niini.
Tungod niini, nanawagan si Acosta ngadto sa tanan nga tumanon gayud ang tanang mga precautionary measures sama sa dili pagligo sa mga lugar nga kontaminado sa bacteria, proper hand washing sa dili pa mokaon ug pagkatapos og kaon ug kun magpagawas sa hugaw, gikinahanglan diha gyud sa comfort room ug dili bisag asa ug magpa-immunize diha sa mga health centers o pribadong mga balay-tambalanan.
RadyoMaN Bernard Pantallon
