Nagsugod na kaniadtong Sabado, Disyembre 21, 2019 ang monitoring ug pagtala sa City Health Office kon CHO sa mga kaso sa firecracker related injuries.
Sa interview sa RMN Malaybalay ngadto kang Grace Lingcasan, ang health education and promotion officer sa CHO Malaybalay gibutyag niini nga mulungtad mao nga pagmonitor hangtod na sa mahuman ang holiday season kon pagkahuman sa bag-ong tuig.
Matud ni Lingcasan nga kung sa basehan sa nakalabay nga tuig usa lamang ang natalang nasamdan tungod sa pabuto gikan sa siyudad Malaybalay.
Alayon niini nanawagan si Lingcasan sa mga ginikanan nga dili tugutan ang mga anak nga magpabuto ug likayan ang paggamit niini aron makab-ot ang zero casualty atol sa holiday season.
Tambag pa niini nga mas maayong muhimo sa mga alternatibong pagsaba-saba kaysa mugamit sa mga pabuto.
