Davao City – Gibutyag sa Davao City Health Office kon CHO nga nagpadayon ang ilang swab test sa Barangay 23-C hangtud mawagtang ang hard lockdown nga gipatuman sa maong barangay.
Matud ni CHO Chief Dra. Josephine Villafuerte nga dili sila maghunong sa pagpahigayon og swab-test hangtud aduna pa’y ma-obserbahan nga magbaton og sintomas sa COVID-19.
Segun ni Dra.Villafuerte, sa karon 15 na ka residente sa Barangay 23-C ang gidala sa isolation facility hu-man nagpositibo sa swab-test kini subay sa resulta sa adlaw’ng Huwebes niadtong miaging semana.
“Padayon nato gi-namonitor, padayon nato siyang pick-upon kung naa ma’y time maglisod, padayon nato na siya sa lain pang swab hangtud ma-zero sa COVID na siya ug kung everyday walay makita nga timailhan pila na ka adlaw. You know, pag-i-quarantine nato ni sila kay ang life cycle bantayan sa kagaw, in 14 days mag-negative at meron naman ibang ma-negative. Pagdili pod sila mag-amping na dili na sila ma-expose o maka-expose sila gihapon ang magkaproblema kasi mas longer ang quarantine nila,” segun ni Villafuerte.
Suma ni Villafuerte nga ila karon gipaningkamotan nga ma-trace ang tanang tawo nga nasalamuha sa 15 ka residente sa Barangay 23-C kansang naigo sa virus aron masubay usab sila sa otoridad sa panglawas.
Gipasabot sa City Health Office nga ang pagbakwi sa hard lockdown magdepende sa dagan sa kaso sa COVID-19 ug kon padayon ang pagsaka sa kaso hayan magpabilin ang maong palisiya sa barangay 23-C.
RadyoMaN Joel Viray
