Davao City – Tanghaga karon alang sa Buhangin PNP kung kinsa ang mi-chop chop sa lawas sa usaka babaye.
Ang putol-putol nga parte sa lawas sa biktima gisulod sa itum nga cellophane ug gilabay sa may Cabantian Road Buhangin ning dakbayan diin nawani na ang mga internal organs sama sa kidney niini.
Si Ranel Pana, CENRO garbage collector maoy nakaabli sa gisudlan sa lawas ug nakita ang mga putol nga kamot, tiil, ulo ug katunga sa lawas sa biktima busa gilayon kini mitaho sa kapulisan alas 5:45 sa buntag.
Sumala sa hepe nga si Police Chief Inspector Jack Tilcag nga wala pa sila’y lead ug motibo sa krimen diin ang biktima nagpabilin pang unidentified ilabi na nga usa ka mistaken identity ang nahitabo kagahapon sa pag ila sa lawas.
Kahinumduman nga giingong kang Margie Albarico, 31 anyos nga taga-Aranas Compound, Matina Pangi, ning dakbayan ang maong lawas apan gikumpirma sa Compostela Municipal Police Station nga buhi pa si Margie human gi-turn over sa usa ka concern citizen.
Teoriya karon ni Tilcag nga daku ang posibilidad nga sa laing lugar gipatay ang biktima ug sa iyang area lang gilabay rason ngano naglisod sila sa pag-establisar sa hinungdan sa krimen.
Gisaad ni Tilcag nga ilang buhaton ang tanan aron masulbad ang kaso aron mailhan ang mga mamumuno aron sa ingon mahatagan og hustisya ang kamatayon sa wala pa mailhing biktima.
Pahimangno sa opisyal ngadto sa publiko nga magbinantayon sa tanang panahon ug gilayon mutaho sa mga tinugyanan sa balaud kun makamatikod og kadudahang lihok sa mga tawo sa ilang palibot.
RadyoMaN Joel Viray
