Pipila sa ato ang gusto mangandam na sa umaabot nga pagsaulog sa adlaw sa Pasko busa nagkalat na usab ang mga baligya nga Christmas Décor lakip na ang Christmas Lights.
Sa mga nagplano mag-early Christmas Shopping, adunay pahinumdom ang DTI o ang Department of Trade and Industry nga pangitaon ang sticker nga Import Commodity Clearance kon ICC o International Compliance Certificate sa mga produkto nga imported ug sa mga lokal nga produkto, siguraduhon nga adunay nakatatak nga PS o Product Standard mark. Kung dili man makita nga nakadikit sa produkto, dapat anaa kini makita sa gawas sa box.
Dugang pa sa DTI nga dapat susihon usab og apil ang maong mga sticker. Kinahanglan nga masayran kung pang-indoor lang ba o pwede pang-outdoor ang napalit nga Christmas Lights. Hangtud 3 lamang ka Christmas Lights ang pwede ipagsumpay-sumpay. Kinahanglan usab masayran kung aduna ba’y Warranty ang maong produkto aron kung adunay depekto niini, pwede kini nimong mailisan sulod sa unom ka adlaw busa bawal ang “No Return, No Exchange”.
Ikaw idol, nakapalit ka na ba og Christmas Decors? Sigurado ka ba nga safe o dekalidad ang imong mga napalit? Para sa mga pangutana o reaksyon, mamahimo nimong i-comment sa ubos.
