NADAKPAN ang usa ka ahenteng sibilyan sa Criminal Investigation and Detection Group sa Pagadian City tungod sa matud pa pagpamusil.
Naila ang suspek nga si Christopher Galleon.
Gibutyag ni Supt. Benito Recopuerto, hepe sa pulis sa maong syudad, nasikop si Galleon human sila maglusad sa manhunt operations sa mga suspek sa pagpatay kang Arlito Basalo.
Gipusil sa upat ka suspek si Basalo sa usa ka merkado sa Barangay Sta. Lucia.
Matud ni Recopuerto, naila sa mga saksi si Galleon nga kauban sa upat ka suspek nga nisibat human ang pagpamusil.
Gipanghimakak usab ni Galleon nga gipusil niya ang biktima ug may lain nga grupo ang gitudlo nga maoy nagpusil kang Basalo.
Si Galleon ang miyembro sa Community Investigative Support sa CIDG.
By: RadyoMaN Edgar Navarro
