Giangkon ni Police Captain Dennis Ebsolo ang Hepe sa Police Station 8 Lumbia nga ang Criminal Investigation and Detection Group kon C-I-D-G ang unang mi-coordinate kaniya kalabot na sa himoong operasyon nga mao ang mag-serve sa warrant of arrest batok sa leader sa Fajardo Criminal Group nga si Marvin Fajardo.
Matud ni Captain Ebsolo nga sa wala pa nahitabo ang operasyon, namonitor na nila ang mga suspek tungod sa report sa mga security ug mga tawo nga gareport kanila nga armado ang mga suspetsado.
Kini ang hinungdan nga nakabalo ang CIDG ug kini na ang mihan-ay ug miplastar sa operasyon.
Dugang pa ni Captain Ebsolo nga halos tanang higayon anaa ra sa sulod sa giabangang balay sa Grand Europa ang mga suspetsado hinungdan nga nagduda na usab niini ang mga residente.
