Ginpangunahan ni Gov. Bong Lacson ang selebrasyon sang Cinco de Noviembre sini nga tuig sa isa ka seremonya nga ginpatigayon sa Negros Occidental Capitol Park.
Sa Tema nga “Pasidungog sa mga Bag-o nga Baganihan sang Probinsya” isa sa nangin highlight amo ang pag-award sa 33 ka mga Negrense nga centenarians kag 2019 Outstanding Negrosanons nga amo sanday Rodolfo Reveche (culture and arts), Jesus Antonio Orbida (organic farming), Charlie Co (visual arts), Chef Fernando Aracama (culinary tourism) kag Teodoro Locsin, Jr. (public service).
Ang Cinco de Noviembre gina-saulog agud dumdumon ang rebolusyon sang mga Negrense batuk sa mga Katsila subong man pagdumdumon sa pagka-baganihan nanday Gen. Juan Araneta kag Gen. Aniceto Lacson.
Ginasaulog sa tagsa ka November 5 ang Negros Day, isa ka non-working holiday sa probinsya sa idalum sang RA 6709.
[image: image.png]
