Ginaklaro ni Dr. Julius Drilon, head sang Corazon Locsin Montelibano Memorial Regional Hospital nga ang ginhimo nga test sa isa ka nurse sang regional hospital amo ang Rapid Anti Body Test (Immunoglobulin Rapid Test) kon diin diri nag-positibo ang amo nga nurse kag indi sa COVID-19.
Sa interview sang DYHB, ginpahayag ni Drilon nga ang standard nga procedure amo nga kon mag-positive ini sa rapid anti body test, ini ang liwat nga kuhaan sang swab sample para sa confirmatory test.
Suno kay Drilon ang swab igapaidalum sa ginatawag nga Real Time Quantitative Polymerase Chain Reaction (RTQPCR) para ma-determine kon ini ang positive sa virus ukon indi.
Ginalauman sang hospital chief nga mapadala na sini nga adlaw ang swab sample sang amo nga nurse sa Western Visayas Medical Center lakip na ang 10 sa 17 ka iban pa nga frontliners sa CLMMRH nga na-expose sa napatay nga pasyente.
Nahibaluan nga ang amo nga 30-anyos nga nurse nga nagabusong sang 3 ka bulan ang kabahin sang mga health workers nga nag-atinder sa 69-anyos nga lalaki nga na-admit sa ospital bangud sang diarrhea apang nagtaliwan sang April 9, 2020 kag kahapon (April 21) lang nag-gwa ang resulta nga ini ang positibo.
Sa karon suno kay Drilon nagapabilin ang high spirit sang amo nga nurse, wala naga-surrender kag yara ini sa maayo nga kahimtangan.
[image: image.png]
