ISABELA, NEGROS OCCIDENTAL – Personal nga ginhingyo ni Isabela Mayor Joselito Malabor ang pagpa-relieve kag pag-ilis sang chief of police sang Isabela Municipal Police Station.
Ini matapos nga nagpadala sang sulat si Mayor Malabor kay Negros Occidental Police Provincial Office Provincial Director Police S/Supt. Rodolfo Castil nga naga-request sang relief and replacement ni Police C/Insp. Ruben Pajarito bilang chief of Police sang Isabela MPS.
Ginpaathag sang alkalde nga bilang isa ka local chief executive, luyag niya sang isa ka chief of police nga may trust and confidence nga magpatuman sang law and order sa banwa.
Suno kay Mayor Malabor nga gusto man niya nga mapabakud ang implementation sang kampanya batuk sa illegal drugs, lawlessness kag intelligent gathering sang police sa iya banwa.
Angut sini, gina-request naman ni Malabor nga ang ibulos kay Pajarito amo si Police C/Insp. Romeo Salvador./dyHB BACOLOD
