Gipalagpot sa serbisyo ang city accountant sa Ozamiz City tungod sa kasong ‘dishonesty’.
Sa iyang order pinetsahan og Enero 25, 2018, gi-dismiss ni ActingMayor Irene Luansing si Accountant Cynthia Ferraren human mapamatud-an nga gibalewala lamang niini ang Civil Service rules kabahin sa pagdawat og overtime pay.
Gi- basehan ni Luansing ang Joint Circular No. 1 series of 2015 sa Civil Service Commission ug sa Department of Budget and Management nga nagtugot lamang ngadto sa mga empleyado nga adunay ranggo nga hangtud sa Division Head sa pagkubra og overtime pay.
Isip head sa City Accounting Office, usa ka department head si Ferraren, duha ka ranggo nga mas taas kaysa sa division head, miingon si Luansing, ug ang pagkubra, matud pa, niini og overtime pay sugod Enero7 ngadto na petsa 29, 2017, wala gitugot sa joint circular order.
Si Luansing, isip ikaduhang kagawad sa Ozamiz, milingkod nga mayorsa siyudad human mapatay sa drug raid sa kapulisan niadtong nakalabay’ng tuig si kanhi Mayor Reynaldo Parojinog , Sr., ug nasikop ang anak nga si Vice Mayor Nova Parojinog.
Ang 1st councilor nga si Aldot Parojinog mao unta ang anaa karon sa posisyon ni Luansing apan nagtago-tago kini karong mga panahona tungod sa pagkalambigit usab sa ilegal nga droga. Usa siya sa targe t sa susamang operasyon.
Sa iyang depensa, mi-alegar si Ferraren nga gitangtang siya ni Luansing tungod sa iyangp agdumili og retiro’g sayo. Bu-ot, matud pa sa acting mayor nga adunay ibutang nga iyang tawo sa maong posisyon.
Apan miingon si Ryan Rosauro, executive assistant ni Luansing, nga dili kinitinood tungod kay isip usa ka kawani sa gobyerno nga naghupot og taas nga posisyon, gilauman nga nasayod siya sa kamandoan sa CSC ug sa DBM. (Divina M. Suson)
