Nagpahimangno karon si City Administrator Teddy Sabuga-a, sa tanang Empleyado sa City hall, nga likayan ang pag gamit sa illegal drugs.
Sa Flag raising sa City hall kagahapon, gipahayag ni Sabuga-a, nga dili magduha-duha ang administration ni Mayor Oscar Moreno, sa pagtangtang sa mga empleyado sa City hall nga nagpositibo sa paggamit sa illegal drugs.
Ang pahimangno ni Sabuga-a gihimo, human gibutyag ni Councilor Romeo Calizo, nga dunay duha ka mga City hall employee nga nakit-an sa PDEA nga nag positibo sa pag-gamit sa illegal drugs, human sa random surprise drug testing nga gihimo sa City hall.
Si Calizo, chairman sa CADAC, kon City Anti Drug Abuse Council, nagdumili pag-ila sa maong mga employee, subay sa iyang pag-ingon nga nagkinahanglan gihapon nga panalipdan ang dungog sa pamilya sa maong mga employado.
