Miapela karon si City Anti-Drug Abuse Council kon CADAC Chairman Konsehal Romeo Calizo nga dili gamiton sa pamolitika ang isyu sa illegal nga druga.
Kini ilabina niadtong mga barangay nga nalakip sa Top 5 nga seryusong apektado sa druga.
Matud ni Calizo nga angay sabton sa publiko ug dili unta kini gamiton sa pagpangdaot sa magkaatbang nga kandidato sa matag barangay sama matud pa sa nahitabo sa Barangay Carmen.
Mahinumdoman nga ang Barangay Carmen nalakip sa listahan nga seryosong apektado sa illegal nga druga tungod sa kadako niini.
Gikinahanglan usab kining malimpyohan batok sa maong matang sa problema.
Hinuon, mapasigarbuhon si Konsehal Calizo kay bisan sa problema sa illegal nga druga mas milambo gihapon ang Barangay Carmen kon itandi kaniadto.
