Ginpasakaan sang sampaw-sampaw nga mga kaso administratibo ni Coucilor Plaridel Nava sa Ombudsman ang 17 tanan ka mga pulis sa Iloilo City Police Office (ICPO) may kaangtanan sa pagdakop sa iya duha ka mga body guards nga suspek sa pagtiro-patay sa iya pakaisa nga si Mercedes “Ging-ging” Nava.
Grave abuse of authority, gross misconduct kag conduct prejudicial to the best interest of public service ang ginpasaka batuk kanday ICPO Director Police Senior Superintendent Martin Defensor Jr.; Police Superintendent Jonathan Pablito, Station Commander sang Police Station 1; Police Chief Inspector Marlon Valencia, Station Commander sang Mandurriao PNP kag 14 ka iban pa nga mga pulis.
Ginpahayag ni Nava nga iya ginpasakaan sang kaso ang 17 ka mga pulis bangud wala sang mga ini ginrespeto ang tawhanon nga kinamatarong sang iya duha ka bodyguard nga sanday Roy kag Julius *De los Reyes.*
Wala man niya naluyagan ang pag-planted sang kapulisan sang ebidensya batok sa mag-utod nga De los Reyes pati na ang pagsulod sang kapulisan sa iya opisina nga wala man lang naghatag sang kortesiya.
Suno kay Nava, dugang nga kaso criminal ang ila ipasaka batuk sa mga natungdan sa masunod nga semana.
