Gipahigayon sa City Disaster Risk Reduction Mamangement Department ning syudad ang ilang pagpangandam alang sa misulod nga si bagyong Basyang dinhi sa Mindanao.
Kini ang gipahibalo ni CDRRMD head Allan Porcadilla, kinsa miingon nga mihimo na sila karon og mga lakang ug gipatawag ang tanang mga opisyal sa cluster aron masayran kung unsay ilang buhaton sa pag-abot sa bagyo.
Kini ilabina nga maapektohan sa bagyo ang Northern Mindanao ug tungod niini dili malikayang lakip sa maigo ang Cagayan de Oro ug Misamis Oriental.
Samtang
Gipangandaman na karon sa Provincial Disaster Risk Reduction Management Office kon PDRRMO, ang pagsulod ni bagyong Basyang sa Pilipinas.
Kini ang gipahibalo ni PDRRMO head Vincent Jun Dy, kinsa miingon nga iya nang gimandoan ang tanang disaster risk reduction management office sa matag munisipyo sa lalawigan, aron nga mapaabot gilayon nila sa ilang katawhan ang mga angayang buhaton.
Kini ilabina ang gilayong paghikling sa mga residente ngadto sa luwas nga mga dapit, panahon nga adunay pagsaka sa tubig sa kasubaan ug kadagatan ug kadtong anaa daplin sa kabukiran aron malikayan ang mga pagdahili sa yuta.
Gani, kada oras silang gamonitor sa kahimtang sa tanang munisipyo aron masayran ang kahimtang sa ilang mga dapit.
