SUBLING gihangyo sa City Drug Enforcement Unit kun CDEU ang katawhan sa dakbayan nga nalambigit sa ginadili nga druga ilabina sa mga opisyal sa gobyerno nga mas maayong moundang na.
Kini dihang nadakpan sa gipahigayon nga drug buy bust operation sa mga operatiba sa CDEU pinangulohan ni Chief Senior Inspector Maricris Mulat ang usa ka police nga si PO2 Buenavintura Reyes membro sa mobile patrol unit sa cagayan de oro city police office niadtong sabado santo.
Gibutyag ni Mulat nagpadayon ang ilang hugot nga kampanya batok sa ginadili nga druga sa Cagayan de Oro ug wala silay gipili nga dakpon bisan pa kung membro o opisyal pa kini sa gobyerno.
Nasayran nga target unta sa operation sa CDEU sila Julius Narvasa ug Ian Torres, apan tayming usab nga nasapon sa akto nga nisuyop sa druga ang maong police hinungdan nga nadakpan.
Upat ka sachet sa gituohang shabu ang nabawi gikan sa mga nadakpan.
