Indi sa gihapon makaumpisa sa pagdeliver sang tubig ang siyudad sa kabarangatyan sang iloilo gamit ang calamity fund.
Ini matapos kinahanglanon pa ni Mayor Joe III Espinosa sang authorization gikan sa City Council agud magpirma sang Memorandum of agreement sa MIWD para sa pagdeliver sang tubig sa kabarangayan sa mas barato nga presyo.
Subong nga adlaw, ginalauman nga indi sa gihapon makatambung ang USWAG councilors bangud sa ila gin-file nga leave of absence kabangdanan nagapangabay si Mayor Espinosa sa mga ini nga ugyunan na lamang ang pagdeliver sang tubig sa kabarangayan karon nga yara na sa state of calamity ang siyudad.
Nahibaluan nga may mga water tanker ukon fire trucks na nga nagadeliver sang tubig sa kabarangayan apang limitado lamang bangud regular funding lamang sang siyudad ang gingamit diri.
Kon makapirma sang MOA ang siyudad kag MIWD, maga-deliver sang tubig sa kabarangayan ang MIWD sa mas barato nga presyo kag diri na pagagamiton ang calamity fund sang city government.
